【維肌百科】跟住做效果加分！醫美前後必學保養方法 (內附有機版護膚程序!)

by Beautysaur Organics May 26, 2022

近年皮秒同 HIFU 呢類醫學美容療程掀起一陣旋風，我哋都收到唔少龍友問 treatment 後有邊款產品啱用，趁住最近美容院重開，就等我哋詳細同大家講下醫美前後嘅保養要點，同介紹埋天然有機版嘅護膚程序俾大家，可以舒緩療程後嘅皮膚不適之餘，仲可以 keep 得耐啲好啲，效果加分！

✧ 醫美前肌膚保養要點 ✧

好多人都係做完 treatment 之後先開始做皮膚護理，但係就忽略咗療程前嘅準備功夫！醫美前一星期就應該要避免用酸性同去角質產品，否則有機會令皮膚角質層變薄，容易加重療程後皮膚受損程度。呢段時間首要嘅護膚工作應該係勤做保濕同加強肌膚屏障功能，咁做可以舒緩高強度熱能帶嚟皮膚乾燥、紅腫等等嘅刺激情況，同時有助加快復原速度。

醫美前可以用 AYUNA 千年幹細胞精華油 同 arbū blāck 臻黑魚子提拉面霜 為皮膚深層保水鎖水，最正係佢哋仲有緊緻提拉功效，可以減少細紋皺紋，而夜晚仲可以一邊煲劇一邊敷埋 Redmint 杞子再生滋養精華面膜，入面嘅「紅寶石」杞子長效抗氧，可以極速幫皮膚保水解渴，皮膚 prep 得好，療程後皮膚不適嘅情況自然就會少啲，效果又好啲啦！

💬 醫美前小總結：
・醫美前一星期避免用酸性同去角質產品
・著重保濕同加強肌膚屏障

✧ 醫美後肌膚保養要點 ✧

無論係 laser 定係 HIFU，高強度嘅熱能都會抽走肌膚水份，令皮膚變得超乾，而打 laser 更加有機會造成傷口，呢個時候皮膚相當敏感脆弱，唔好好打理除咗會減低醫美效果，浪費咗個療程之外，仲可能會對皮膚造成二次傷害！

好多人以為篩走酸性同去角質產品就 OK，但咁樣係唔夠㗎！坊間有好多護膚品都添加咗酒精、人造香精或者係 Parabens、Phenoxyethanol 等嘅化學防腐劑，莫講話醫美後用呢類化學成份會刺激皮膚，即使係平日用都有機會令皮膚過敏，絕對係少用為妙！

醫美後 7 - 10 日可以話係修護皮膚嘅黃金期，雖然肌膚處於敏弱狀態，但係吸收力係平時嘅 30 - 50 倍！選用成份天然、無添加嘅護膚品，加上「保濕・修護・防曬」三大日常護膚原則，自然有效舒緩同呵護肌膚，仲可以加快更生速度。

💬 醫美後小總結：
・選擇成分天然、無添加香料、酒精同化學防腐劑嘅產品
・著重「保濕・修護・防曬」三大原則
・醫美後一星期避免用酸性同去角質產品
・打 laser 後要特別注意維他命 C 同美白成份
・如果有傷口或者結焦千祈唔好用手掂，以免發炎或有疤痕

✧ 醫美後護膚程序 ✧

🧚 洗臉 + 基本保養：

醫美後嘅皮膚非常脆弱，最啱就係用專為敏感肌而設嘅澳洲有機護膚品牌 MV Skintheraphy，就連「擁有世界上最令人難以置信敏感肌」嘅妙麗 Emma Watson 都係佢嘅忠實 fans！MV 金銀花抗敏潔面乳 加入咗金銀花同有機山茶花油，溫和洗走污垢同時有保濕同鎮靜解毒功效，之後可以用埋添加咗日本保濕乳霜嘅即棄型 Cottium 極潤保濕洗臉巾 輕輕印乾塊臉，方便又衛生。Last step 可以將三大舒緩保濕法寶 MV 千葉玫瑰保濕噴霧、MV 澳洲本機果實保水精華 同 MV 奧圖玫瑰嫩肌精華 mix 埋一齊用，俾肌膚飲飽水兼 lock 實水份，仲可以保護皮膚對抗日常污染侵害。

🧚 日間特別護理：

打完 laser 之後臉上可能會有傷口，需要特別小心處理！日間做完基本保養之後可以額外再搽 AYUNA Nectar 黑櫻桃花蜜，入面嘅抗氧新星蝦青素同維他命 D、 E 可以加快傷口癒合同提升皮膚免疫力，保濕之餘仲好快吸收，唔會黏笠笠整到傷口唔舒服。唔想出現反黑悲劇嘅話記住之後一定要搽埋質地絲滑透薄嘅 AYUNA VELO 益生菌絲絨防曬日霜 對抗紫外線喔！

🧚 化妝：
醫美後最好畀皮膚抖返幾日暫時唔好化濃妝住，但係如果想個人望落去精神啲，可以用主打有機蘆薈嘅美國天然化妝品牌 14e cosmetics 化返個淡妝，佢嘅 14e SPF10 有機蘆薈滋潤素顏霜 同 14e SPF23 有機蘆薈滋潤粉底液 質地薄透，保濕潤色之餘仲有防曬功效，對肌膚零負擔，之後可以再用埋 100％ 好評嘅 14e 蘆薈絲滑蜜粉 定妝，佢個質地爽身細滑唔會卡粉，薄薄上完一層塊臉仲滑過豆腐！

🧚 晚間特別護理：
做晒上面講嘅 rountine 又想再加強滋養修護效果，可以連續敷返幾晚 100％ 天然嘅 LA FERVANCE 23K金珍珠奢華面膜，佢入面有意大利 23K 金、珍珠、蜂膠等多種珍貴成份，敷完皮膚又滑又 firm！自認懶人一族想極速急救就可以揀用中草藥品牌 redmint 嘅 Redmint 銀杏補水活肌精華面膜 或者係 Redmint 丹參淨化排毒精華面膜，呢兩款 paper mask 質地厚實得嚟又貼面，而且極快吸收，即時 feel 到皮膚吸飽鮮潤營養，修護乾敏肌效果一流！

📍店鋪地址

尖沙咀 K11 Musea, 2/F, Shop 210B（尖沙咀/尖東站 J2 出口）
營業時間：12:00 - 21:00

Beautysaur Organics🦕 
網址：www.beautysaur.com
Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
電話：94329430

Share:

---

---

Also in BEAUTYSAUR ORGANICS