【止汗大對決】化學止汗劑 VS 天然止汗膏

by Beautysaur Organics June 06, 2023

夏天，為大地帶來汗水。好多人會選擇去大型連鎖藥妝店求其買支止汗劑嚟預防腋下異味，但有報道指測試香港市面17款止汗香體劑後，發現9款止汗產品測試結果不合格，其中有樣本顯示高毒性水平及雌激素超標，輕則導致皮膚過敏，重則有機會誘發患癌症，尤其對女性影響特別較大。究竟市面上嘅「有毒」止汗劑有咩化學成份要特別注意？而天然止汗膏嘅功效又係點？今篇文章將會比較化學止汗劑同天然止汗膏嘅主要成份，希望幫到大家健康安全地度過一個「無臭無汗」嘅夏天啦！

吸汗篇：鋁鹽 VS 梳打粉/葛粉

人體嘅汗腺分為「小汗腺」同「大汗腺」，小汗腺會隨住天氣炎熱，溫度上升後變得特別活躍，增加排汗，容易滋生細菌，當表皮細菌發酵後就會產生臭酸味，即係一般所講嘅汗臭味。至於大汗腺主要分佈喺腋下，會分泌出弱鹼性物質，經細菌發酵後會發出難聞異味，普遍稱為體臭或狐臭。

市面上大部分止汗劑常見嘅止汗成份係鋁 Aluminum，係一種有毒嘅重金屬，佢就好似用嚟封住汗腺嘅「木塞」，堵塞汗腺中嘅汗液流到皮膚表面。但有研究指出長期喺腋下搽呢類止汗劑，經皮膚吸收後會擾亂雌激素荷爾蒙分泌。有部分研究更指出，好多時乳癌都係出現喺乳房近腋下嘅上方，正正就係平時搽止汗劑嘅位置，事關雌激素會促進乳房細胞生長，有科學家曾提出止汗劑中嘅鋁成份有機會導致乳癌。加上，呢類化學成份長期殘留喺腋下表皮上的話，會無法排走汗水，造成皮膚發炎及黑色素積聚，變成「暗黑格肋底」！

相反，天然止汗膏主要以梳打粉 Baking Soda 嚟取代鋁去吸汗，以美國品牌 Agent Nateur 嘅有機止汗膏為例，創辦人特意去法國南部學習研發天然止汗膏，並選用純天然嘅梳打粉，學名為 Sodium Bicarbonate，不含毒性，唔會刺激皮膚，有效吸附汗水及油脂，同時具有除臭及殺菌功效。如果有超敏感嘅皮膚連天然梳打粉都會致敏的話，呢個品牌特製一支專為敏感肌使用嘅止汗膏，利用低敏性嘅葛粉 Arrowroot Powder 吸汗。

注意成份：Aluminum Chlorohydrate／Aluminum Zirconium Tetrachlorohydrex Gly / Aluminum Chloride / Aluminum Sesquichlorohydrate

( Agent Nateur HOLI (ROSE) N4 Deodorant 檀木玫瑰止汗膏 $208/1.7oz ) 

 

防腐篇：類雌激素 VS 椰子油

上文提及過嘅止汗產品測試中，有多款產品發現含慢性毒物類雌激素，部分更超出世衛安全標準3倍以上。市面大多止汗產品商為延長產品壽命，都會加入化學防腐劑用作抗菌之用，當中蘊含可能致癌及影響胎兒發展嘅類雌激素，包括常見嘅 對羥基苯甲酸 Parabens。現今對於 Parabens 仍存在極大爭議性，有指佢被稱為內分泌干擾素，有研究報告指出會影響正常乳房細胞嘅機能，增加患乳癌嘅機率。同時 Parabens 濃度會減低程序性細胞死亡，影響身體正常地處理壞死細胞。

唔用高風險嘅防腐劑，咁天然止汗劑點樣做到防腐嘅效果呢？Agent Nateur 多款止汗膏加入有機椰子油 Organic Coconut Oil 及有機蜂蜜 Organic Honey，帶有消炎殺菌嘅功效，其中椰子油富有抗氧化嘅維他命E及脂肪酸，有效延長天然產品嘅存放時間，係一種安全無害嘅天然界防腐成份。

注意成份：Methyl- / Benzyl- / Ethyl / Propyl- / Butyl-paraben

香味篇：人造香精 VS 草本精油

一般止汗劑為咗達到掩蓋汗臭體臭嘅功效，往往會混入大量人造香精，並喺成份表只以 Perfume 或 Fragrance 標示，其中有機會暗藏咗 5000 幾種化學原料，當中隨時有令人皮膚過敏、哮喘、荷爾蒙失調嘅成份。

Agent Nateur 止汗膏以各種草本花香精油調配出唔同嘅香味，當中包括檀木玫瑰、雪松木、尤加利葉及茉莉等味道，而且所有原材料已喺歐洲獲得認證，絕不含基因改造、農藥、鋁及硫酸鹽等化學成份。值得一提嘅係荷里活影星 Emma Watson 特別鍾情 Agent Nateur 尤加利止汗膏 呢隻味道，咁多隻香味總有一款岩你心水。

 

Agent Nateur 五款有機止汗膏 ( 售價由 HKD 168 至 224 )

由美國洛杉磯及法國製造，一共有五款天然有機的止汗香體膏，主打天然有機驗證成份，其軟膏狀質地由蜂蠟、牛油果脂打造而成，能夠令腋下保持滋潤而不黏笠，香味可以長效一整天。加上以梳打粉或葛粉來吸水止汗，全日可保持清爽無汗，遠離臭味！

 

____

參考網頁：
[1] Vida Orange 生活報橘
[2] 蘋果日報
[3] 經濟日報 Topick
[4] Medical Inspire

Share:

---

---

Also in BEAUTYSAUR ORGANICS