【最奢華Mask!】La Fervance 23K黃金面膜 貴婦式緊緻保濕 敷出輪廓線

by Beautysaur Organics November 17, 2022

法國品牌 La Fervance 主打可持續奢華護膚品，創辦人 Melissa 喺美容界擁有多年經驗，對於產品成份同配方都有極高要求，除咗喺歐洲澳洲等地採集天然原料，更加聘請科學家團隊進行研發測試，黃金面膜一登場已經成為歐洲新貴，就連《Emily in Paris》飾演 Sylvie 嘅女演員都一試愛上！

喺 Melissa 同專業團隊嘅堅持下，黃金面膜以 100% 天然配方研發而成，當中活性成分更加高達 67%。呢款全效面膜針對皮膚超過 30 個功能區域，經臨床測試有效幫肌膚深層保濕、恢復緊緻彈性、改善暗啞細紋，甚至舒緩紅腫同抗菌，同時解決多個肌膚問題，唔少龍友都話敷一次已經有做 Facial 效果！

金銀珠寶：23K食用級金箔、銀、珍珠粉

黃金面膜成份款款珍貴，而要數當中最奢華嘅就係來自意大利無衝突礦場嘅 23K食用級金箔。黃金除咗瞬間提亮，仲可以滲透毛孔，消除淋巴毛孔雜質。而且黃金抗衰老能力特強，有效促進血液循環，刺激彈性蛋白同膠原蛋白生成，令肌膚得到豐盈滋潤，同時顯著減少細紋。另外面膜仲有膠體銀同天然珍珠粉，前者可以消炎抗菌，後者提昇膚質細緻光滑感度，令肌膚更加容光煥發！

深層保濕孖寶：猴麵包樹果肉啫喱、100% 純淨 HA 透明質酸

猴麵包樹富含抗氧化劑同維他命 C，除咗針對老化肌膚，亦具有保濕抗炎作用，可以減少發紅痕癢嘅症狀。而品牌採用嘅透明質酸源自 100% 純 HA 來源，擁有雙倍強度保濕能力，全日 24 小時為肌膚補水同時活化皮膚表層，令肌膚變得水潤更可即時撫平皺紋！

抗 UV 澳洲果實：卡卡杜果、含羞草萃取、塔斯曼尼亞胡椒莓葉

創辦人 Melissa 係澳洲人，佢同團隊特意將幾種澳洲原產果實加入黃金面膜，幫肌膚泵入源源不絕嘅水份同營養。卡卡杜果除咗有緊緻淡疤極強嘅維他命 C，仲有高含量活性抗氧化成份，可以協助對抗紫外線傷害。另外加入修復皮膚嘅含羞草同抗菌消炎嘅胡椒莓葉，所以呢個面膜唔單止保濕滋潤，仲有紓緩鎮靜作用，恢復皮膚天然健康屏障，調理返去最潤澤飽滿嘅狀態！

La Fervance 研發護膚品時除咗要高效有機，「一物多用」亦係佢地嘅重要考量。作為一款「Fusionsite Skincare」，黃金面膜主要可分為三種用法：提亮底霜、面膜護理、睡眠面膜。

1.  妝前打底

早上完成日常護理後，取少量面膜用指尖推開激活，均勻按摩全面。亦可作為妝前打底使用，令妝容更加貼服持久，仲會展現透亮光澤！

2.  緊緻面膜

於清潔皮膚上厚塗一層，將面膜按摩激活至油狀，可依個人需要敷 10 分鐘或更長時間，加水乳化洗走面膜，緊緻度馬上提升！

3. 睡眠面膜  (團隊最愛用法！)

睡眠前塗抹並激活面膜，配合睡眠修護力加強細胞淨化更生，肌膚吸收一夜豐富養分後即變得柔滑飽滿，綻放水潤光澤。

購買詳情

 

➤ 法國製造 100% 天然配方
➤ 蘊含 23K金、銀、珍珠等珍貴成份
➤ 豐富活性激活細胞再生"
➤ 24 小時持續深層保濕
➤ 緊緻去紋、增加肌膚光澤彈性
➤ 臨床實證具鎮靜作用，紓緩敏感反應

Beautysaur Organics

✦ 九龍尖沙咀梳士巴利道 18 號 K11 Musea 2 樓 210B 號店

 營業時間： Mon - Sun , 12:00 - 21:00

電話：94329430

Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
Website：www.beautysaur.com

 

Q: 黃金面膜有真金成分嗎？點解唔係 24K 純金?
A: La Fervance 黃金面膜入面嘅金箔採自意大利無衝突礦場 23K金，團隊特登加入 1K 銀成分，令金箔顆粒唔會咁易痴埋一齊，可以更平滑塗抹喺面上，展現均勻明顯嘅健康光澤！

Q: 敏感肌可以用黃金面膜嗎？
A: 可以！黃金面膜成份 100% 天然，經 Cosmos + Ecocert 國際認證不含任何致敏化學物。而且面膜中猴麵包樹果肉啫喱、澳洲金合歡 (含羞草) 及卡卡杜李等成份都有效修復敏感肌膚，臨床實證​ 100% 用家認為面膜有鎮靜紓緩作用，減少肌膚粗糙發紅。

Q: 點解黃金面膜嘅質地同上次有分別？   
A: 品牌堅持喺歐洲及澳洲提取天然成份，原材料會受季節、天氣、收成時間等因素而有所變化，有機會影響面膜嘅顏色、味道同質地。不過黃金面膜嘅配方同功效都絕對冇改變，大家可以安心使用！

Share:

---

---

Also in BEAUTYSAUR ORGANICS