【1516懶人包】May Lindstrom VS. Ranavat - 究竟邊枝茉莉花水最啱你？

by Beautysaur Organics March 18, 2022

近日天氣逐漸回暖，不過大家記得仍然要為肌膚好好補充水份，防止水份流失形成乾燥、暗啞等肌膚問題之餘，飲飽水嘅皮膚先可以更易更快吸收護膚品內滿滿嘅養份！趁住春暖花開之際，今次《1516 懶人包》一於就講吓大家最愛嘅花水，比較吓詢問度極高嘅 May Lindstrom Skin Jasmine Garden 茉莉花園 同 Ranavat 皇室茉莉花爽膚水 喺成份、功效同用法上有咩分別，等大家可以極速揀啱適合自己嘅茉莉花水，一齊感受溫暖舒暢嘅花的季節啦！🌸

❍ 香氣

除咗功效外，一枝完美嘅花水當然要擁有芳香四溢嘅天然香氣，兩枝花水嘅香氣都係來自天然有機純淨茉莉花，絕無坊間以合成香精製成的剌鼻氣味！

May Lindstrom Skin Jasmine Garden 茉莉花園 一噴散發出陣陣原始茉莉花香調，佢仲加入咗大馬士革玫瑰花水同精油，所以仔細聞落去會發現佢帶有點點大馬士革玫瑰花香，猶如走進一個秘密花園，幫你趕走疲憊，療癒身心！

至於以 100％ 有機純淨茉莉花製成嘅 Ranavat 皇室茉莉花爽膚水 就散發住馥郁清甜嘅茉莉花香，猶如一杯清甜冷泡香片茶，可以舒緩神經，放鬆身心靈，仲有提神作用，最啱茉莉花控！

❍ 適合膚質

兩枝茉莉花水都係水狀質感，極易吸收，絕對不留黏笠感，一年四季早晚適用！

May Lindstrom Skin Jasmine Garden 茉莉花園 特別加入膠性銀粒子液作基調，配合多種天然珍貴精華萃取，有紓緩降紅、消炎抗菌、抗氧修復功效，特別適合敏感及暗瘡肌膚人士使用。

而 Ranavat 皇室茉莉花爽膚水 全以補濕力極佳嘅茉莉花蒸餾而成，尤其適合乾燥缺水肌膚。

❍ 特點及功效

May Lindstrom 出名用料靚，呢枝 May Lindstrom Skin Jasmine Garden 茉莉花園 當然亦不例外！配方以膠性銀粒子液及大馬士革玫瑰花水作基底，配以茉莉花、大馬士革玫瑰及依蘭花精油，讓肌膚沐浴於典雅花香之餘，更重要係可以即時做到紓緩鎮靜、保濕鎖水，仲有消炎抗菌作用，有效抑制暗瘡滋生，加上全球獨有、以公平貿易方式生產嘅純淨有機可可濃漿，內含豐富滋養親膚嘅 Omega-6 脂肪酸及酵素，高效抗氧，幫助肌膚修復再生，調理肌膚炎症。 除咗日常單獨作爽膚保濕之用外，佢仲係絕佳嘅肌膚護理「引導劑」，有助加強後續護膚品吸收，令肌膚回復健康朝氣！

而 Ranavat 皇室茉莉花爽膚水 全由印度西部一個有機花園種植嘅茉莉花蒸餾而成，質量純正新鮮，而且製作過程絕不簡單，約 150 磅茉莉花先能夠蒸餾出一滴精油，需要花上大量人手工序，每一滴都係品牌為大家奉上嘅珍貴心意，以柔和清雅茉莉花力量幫助肌膚注滿水份！由於佢係 100％ 純淨花水，建議配合護膚油或其他護護膚品使用，達致最佳保濕效果，而佢仲可作頭皮護髮水使用，鎮靜保濕，預防細菌滋生及頭瘡形成，有助頭髮健康生長防折斷！

❍ 用法

May Lindstrom Skin Jasmine Garden 茉莉花園 配方有花水外，仲加入膠性銀粒子液同多種精油，所以無論係平日單獨使用，隨時隨地幫肌膚補補水，抑或配搭各種護膚品用都一樣 OK，仲可以用作定妝噴霧增加妝容光澤感，甚至可以將佢直接噴喺頭髮及全身肌膚，好好獎勵自己，愉悅身心靈！

而要特別注意嘅係，由於 Ranavat 皇室茉莉花爽膚水 以 100％ 純淨花水製成，必需配合護膚油或其他護膚品一同使，先能夠達致最佳保濕效果，配搭最佳拍擋 Radiant Rani 皇妃閃亮精華 更係完美 combo，保濕度即時 level up 兼提亮去印！

兩枝茉莉花水同樣可以配搭其他護膚品使用，幫助皮膚保濕鎖水及提升後續護膚品吸收，大家可以因應肌膚狀態配搭出最適合自己嘅「美肌食療」，依家就分享兩個 mix & match 食療俾大家參考，有需要仲可以同我哋聯絡，為你調製最適合嘅配搭！

✦ 加入 Blue Cocoon 等 oil balm / cream 調製出自己專屬保濕嘅 moisturiser
✦ 以茉莉花水取代清水激活 Problem Solver / Clean Dirt 等面膜及磨砂粉，達致最佳美肌功效

📍店舖資料

Share:

---

---

Also in BEAUTYSAUR ORGANICS