【成份解碼】點止保濕舒緩咁簡單！蘆薈仲可以做化妝品？

by Beautysaur Organics August 13, 2022

夏天當然要同陽光玩遊戲，但係紫外線指數爆燈，好容易會曬傷皮膚，呢個時候我哋通常都會用蘆薈急救做返曬後護理，舒緩紅腫刺痛同甩皮嘅情況。

蘆薈可以話係家傳戶曉嘅保濕舒緩聖手，但係大家又知唔知原來佢仲有一系列嘅隱藏功效？除咗坊間嘅蘆薈 gel 同基本保水型護膚品，佢亦可以用嚟做化妝品，一次過包辦哂保濕 + 修護，係溫和高效嘅天然美容師！

🌱外剛內柔急救聖品

來自乾燥熱帶地區嘅蘆薈，早喺 6000 年前就已經畀古埃人發現佢擁有強大嘅鎮靜、抗菌、修復特性，除咗治理傷口同幫屍體防腐，仲據說埃及妖后 Cleopatra 會用佢嚟護膚兼幫頭髮 keep 住柔順有光澤。

而蘆薈之所以能夠發展成為民間聖品，就要數到二次世界大戰日本廣島同長崎原爆之後，據講當時被灼傷至皮膚潰爛嘅傷者，全靠用咗蘆薈汁搽喺嘅皮膚上面先可以快迅復原，呢個驚人嘅發現後來引嚟醫學界廣泛研究，從此就奠定咗佢喺醫藥同美容界嘅江湖地位。

我哋每次敷蘆薈都會有種水潤清涼嘅感覺，關鍵就係大大塊尖刺綠葉入面包住嘅透明啫喱狀果肉，佢含有高達 95％ 水分，非常補水，而另外嘅 5％ 全部係豐富嘅營養， 包括維他命 B、C、E、鋅、鎂等 30 多種維他命同礦物質、7 種人體必要氨基酸，仲有蘆薈酊、活性酶、多糖等多種消炎抗氧成份，有效鎮靜修護皮膚，係溫和但內心強大嘅肌膚救星 💫

🌱護膚功效 

➀ 保水舒緩 － 黏多糖可以話係令蘆薈成為「保水神器」嘅關鍵元素！佢嘅保濕力極佳之餘，仲會帶動各種營養餵飽皮膚細胞，滋養肌膚，舒緩敏感泛紅反應，加上天然保濕因子氨基酸，孖住上喺皮膚表面形成一層保護膜 keep 住水分，長效保濕鎖水。

➁ 消炎殺菌 － 蘊含蘆薈酊、蘆薈素、木質素、活性酶等多種強效消炎殺菌成份，除咗減少同預防細菌繁殖，仲可以抑制發炎因子，清涼解毒，緩解敏感、暗瘡、曬傷等各種皮膚炎症。

➂ 抗氧修護 － 維他命 A 同鋅可以刺激細胞再生，修復受損肌膚，而抗氧孖寶維他命 C、E 就有效清除自由基，仲可以防止紫外線同日常污染對皮膚嘅侵害，全方位增強肌膚防禦同修復力，延緩衰老。

➃ 提亮淡斑 － 絕對係需要更多關注嘅隱藏功效！蘆薈當中嘅蘆薈素唔止消炎抗菌功效出色，仲可以促進血液循環同抑制黑色素形成，有助淡化同預防色斑。

🌱天然有機好物推介

🧚🏻‍♂️護膚品篇

✦ SIAM S.E.A.S YEN 蘆薈抗痘精露 係一枝半精華狀嘅肌底液，洗完面後用佢可以平衡皮膚 pH 值， 即時鎮靜降紅。佢集合咗蘆薈、青瓜、綠茶、天竺葵等超過 20 種高效天然草本成份幫肌膚清熱解毒，加埋氨基酸同益生元成份仲可以增強皮膚保水同免疫力，皮膚狀態穩定自然暗瘡都生少啲。

✦ Agent Nateur holi (cleanse) 洋甘菊溫和卸妝油 一枝包辦晒淨化、滋養同修護！配方採用太陽花籽油、日本米糠油、玫瑰果籽油等多種珍貴且高營養嘅天然植物油份做 base，溫和帶走彩妝防曬同油脂污垢，配合蘆薈汁、洋甘菊同火龍果等保濕舒緩草本精萃，用完即時 feel 到皮膚水潤柔滑，敏感肌同懷孕、哺乳媽媽都啱用。

🧚🏻‍♂️化妝品篇

✦ 14e Cosmetics SPF 10 有機蘆薈滋潤素顏霜 有別於坊間配方混入大量清水 cut cost 同添加有害致敏成份，相反以有機蘆薈汁做 base，再加入荷荷巴油、銀耳、竹子等天然草本萃取，保濕潤色之餘仲有防曬功效，而且質地薄透，對皮膚安全零負擔，係懶人極速出門嘅必備恩物。

✦ 榮獲 100% 好評嘅 14e Cosmetics 蘆薈絲滑蜜粉 以有機蘆薈打磨而成，質地絲薄細滑唔卡粉，薄薄上一層塊臉即時爽身兼滑過豆腐，好似用咗 filter 咁！除咗定妝控油，佢仲可以當埋 primer 用，遮返住啲毛孔細紋，每次用少少就已經可以 last 足全日，性價比極高。

📍店鋪地址

Beautysaur Organics

✦ 九龍尖沙咀梳士巴利道 18 號 K11 Musea 2 樓 210B 號店
 (營業時間： Mon - Sun , 12:00 - 21:00)

電話：94329430

Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
Website：www.beautysaur.com

Share:

---

---

Also in BEAUTYSAUR ORGANICS