【維肌百科】花水=爽膚水？美麗龍教你正確用法！

by Beautysaur Organics June 20, 2022

洗完面通常都會搽爽膚水做返舒緩保濕，同埋為之後嘅護膚程序做好準備。不過近年佢嘅風頭慢慢開始畀香噴噴嘅花水蓋過，坊間甚至有講法話花水可以取代爽膚水，到底係唔係真㗎呢？佢哋嘅成份配方、功效同用法又有咩分別呢？

✧ 成份配方 + 質地 ✧

💐花水：
・成份主要係以蒸餾方式萃取得嚟嘅花水同精油，帶有淡淡花朵清香
・薰衣草、洋甘菊、橙花等都係常見嘅花水原材料，當中就以玫瑰同茉莉花最受歡迎
・坊間嘅花水通常都係淨純露，例如玫瑰花水入面就只有用玫瑰提煉出嚟嘅花水同精油，成份比較單一
・部份花水會加入其他天然萃取精油增加護膚功效
・由於成份以花水為主，一般都係水狀質地

🧚爽膚水：
・成份種類比較多元化，會針對唔同肌膚問題而加入相應嘅成份同營養，例如：
    ・甘油、透明質酸：滋潤保濕
    ・醋、青瓜、白柳樹皮：軟化肌膚
    ・益生元、乳酸菌：平衡皮膚微生態群
・視乎成份配方而有唔同質地，例如加入咗甘油嘅爽膚水質地會比較厚身少少
・需要注意嘅係坊間嘅爽膚水好多時會加入酒精清潔皮膚同去油脂，但有機會抽走埋皮膚入面嘅水份同破壞肌膚屏障，會越用越乾同崩崩緊，另外亦有部份含有人造香精同有害化學防腐劑，容易刺激皮膚引起過敏反應 ⚠️

✧ 功效 ✧

💐花水：
・一般冇針對性嘅護膚功效，主要用作舒緩保濕
・由於花水份子細，容易被皮膚吸收，可以即時做到鎮靜保濕，係乾敏肌膚嘅急救法寶
・配合護膚油或其他產品一齊用可以更有效吸收後續護膚品嘅營養

🧚爽膚水：
・由於配方成份種類多元化，除咗基本保濕之外，仲會有多種針對唔同肌膚狀態嘅功效，幫助改善膚質，例如：
    ・滋潤保濕
    ・軟化角質、二次清潔
    ・平衡皮膚 pH 值
    ・導入作用，提升後續護膚品吸收

✧ 用法 ✧

💐花水：

・洗完面後噴幾下可以即時做到舒緩保濕效果
・當定妝噴霧用可以令妝容貼服唔易甩，同時增加光澤感
・隨身攜帶，隨時隨地幫皮膚補水 refresh
・除咗單獨使用，仲可以配搭護膚油或其他護膚品一齊用，有效加強保濕鎖水同提升後續護膚品吸收效果

🧚爽膚水：
・洗完面後用可以喚醒肌膚，令後續護膚品吸收得更快更好，部份爽膚水仲有效改善唔同嘅肌膚問題
・用化妝棉喺面上塗抹可以軟化角質層，做到二次清潔嘅效果

✧ 小總結 + 天然有機產品推介 ✧

相信聰明嘅龍友睇完以上所講就知道花水同爽膚水係兩種唔同嘅護膚品，功效用途各有千秋，唔可以互相取代，大家可以因應唔同嘅肌膚狀況同護膚程序而選擇幾時用佢哋，下面仲有 6 款天然有機又好用嘅花水同爽膚水推介，屋企有齊兩枝就啱晒喇！👍🏻

💐花水篇：

✧ Ranavat 皇室茉莉花爽膚水 以 100％ 有機純淨茉莉花水製成，保濕力極強，加落面膜度用有助激活入面嘅成份加強護膚效果，仲可以當埋頭皮護髮水用，而佢同 Radiant Rani 皇妃閃亮精華 仲係最佳拍檔，孖住用保濕度即時 level up 兼可以提亮去印。

✧ MV 千葉玫瑰保濕噴霧 採用頂級有機奧圖玫瑰精油製成，同加入咗有消炎作用嘅澳洲本土果實佛螺菩提果萃取，保濕效果非常出色，仲可以鎮靜同舒緩敏感狀況，就連「妙麗」Emma Watson 都係佢嘅捧場客，隨身帶住佢幫皮膚即時補水。

🧚🏻‍♂️爽膚水篇：

✧ AYUNA The Facial Low 紅莓果醋神仙水 (溫和) 同 AYUNA The Facial High 紅莓果醋神仙水 (強效) 呢兩枝酸酸水含有活性酸性成份，可以抹走頑固角質，仲有平衡油脂分泌同收細毛孔功效，而入面嘅植物益生元仲可以平衡皮膚微生物群，形成一層保護膜 keep 住皮膚水分，為後續護膚品做好準備。

✧ Biophile™ 牛蒡提亮緊膚水 用咗牛蒡、生薑同甘草，再透過專利技術製成高濃度發酵原液，配方比起坊間嘅「神仙水」加多咗透明質酸同乳酸幹菌等多種營養之餘，仲係無添加有害化學成份，而且仲有天然水楊酸白柳樹皮萃取溫和去除多餘角質，滋養、淨化、提亮、減淡細紋，​一枝搞掂晒。

✧ Agent Nateur HOLI (WATER) 珍珠極潤精露 可能係世界上最保濕嘅爽膚水，佢係半精華半花水 texture，配方用咗頂級野生保加利亞玫瑰同薰衣草花水做 base，再加入火龍果精華、植物透明質酸、珍珠粉、有機蜂蜜等天然保濕抗氧成份，一支包辦晒深層滋潤、提亮同緊緻功效。

✧ SIAM S.E.A.S YEN 蘆薈抗痘精露 係一枝半精華狀嘅基底液，集合咗蘆薈、青瓜、綠茶、天竺葵等超過 20 種高效天然草本成份，有效鎮靜降紅同平衡皮膚 pH 值，仲可以幫肌膚清熱解毒，另外佢仲加入咗氨基酸同益生元成份增強保濕效果同皮膚免疫力，洗完面後用佢即時 feel 到滋潤保護，皮膚穩定自然暗瘡都生少啲。

📍店鋪地址

Beautysaur Organics

✦ 九龍尖沙咀梳士巴利道 18 號 K11 Musea 2 樓 210B 號店
 (營業時間： Mon - Sun , 12:00 - 21:00)

電話：94329430

Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
Website：www.beautysaur.com

Share:

---

---

Also in BEAUTYSAUR ORGANICS