【星級保養清單】最愛天然有機！荷里活女星私心推介的美肌法寶

by Beautysaur Organics April 25, 2022

即使喺鎂光燈背後，荷里活女星嘅肌膚依然保持晶瑩剔透，毫無瑕疵，害得大家每次見到佢哋嘅少女臉都會上演一埸內心葡萄小劇場，到底係因為基因強大？抑或係天價醫美？比起價值不菲嘅大牌子護膚品，其實唔少女星私下都大方分享佢哋愛用嘅天然小眾品牌，依家就等我哋盤點 8 位當紅女星推薦、大家都可以輕鬆入手嘅星級有機保養清單啦！

✧ Emma Watson

由《哈利波特》、《美女與野獸》、《小婦人》，到現實中積極投入女性平權嘅「妙麗」Emma Watson，無論係戲內戲外都愛以自然真實樣貌示人，但原來呢位知性女神同好多人一樣，踏入青春期開始就有皮膚敏感嘅煩惱，佢甚至形容自己「擁有世界上最令人難以置信嘅敏感肌膚」，所以多年來一直推崇使用天然有機嘅護膚品，仲不時會大方分享佢最愛嘅品牌。

Emma 一直都係澳洲有機護膚品牌、專為敏感肌膚而設 MV Skintherapy 嘅長期捧場客，之前英國版《VOGUE》嘅突擊開包包環節就發現佢隨身帶住 MV Skintherapy 千葉玫瑰保濕噴霧 隨時隨地為皮膚補補水。佢仲好著重日常皮膚保養程序，就算再忙再攰都好，洗完臉後都會用 MV Skintherapy 奧圖玫瑰嫩肌精華 同 MV Skintherapy 玫瑰舒緩保護日霜 強效舒緩保濕兼幫肌膚打好個底，如果有輕微曬傷情況，就會改用急救恩物 MV Skintherapy 九重淨化潔面油 溫和潔淨滋養肌膚。

除咗面部保養，Emma 就連身體護理都會選用天然有機產品！而佢即使喺夏天爆汗嘅日子都可以時刻 keep 住做香香公主，秘密就係用咗天然無害嘅 Agent Nateur 天然香體止汗膏，而佢最鍾情就係 Agent Nateur 特務 003 尤加利止汗膏 呢隻香味喇！

✧ Kate Hudson

(Photo: IG @katehudson)

憑住《不日成名》榮獲奧斯卡最佳女配角提名嘅 Kate Hudson，多年來除咗主演過《十天戀愛有限期》、《新娘愛鬥大》等經典電影外，仲身兼多職，同時擁有休閒運動服裝、營養美肌產品同伏特加品牌。

呢位 43 歲嘅性感辣媽，皮膚至今依然保持年輕光滑，早前佢就以家居素顏 look 喺 Instagram Story 公開佢嘅日間護膚 routine，當時 LA 天氣乾燥，佢就用咗潤而不笠嘅 AYUNA Cream II 神奇忌廉 (滋潤)，深層滋潤保濕之餘，仲有效促成細胞代謝再生，維持皮膚健康有彈性。而 Kate 嘅另一最愛就同 Emma Watson 一樣都係 MV Skintherapy 奧圖玫瑰嫩肌精華，佢更形容呢枝精華嘅大馬士革玫瑰花香香到猶如置身「天堂」 (It's just heaven.) 一樣！

✧ Gwyneth Paltrow

(Photo: IG @goop)

Iron Man 俏秘書兼女友「小辣椒」Gwyneth Paltrow 天生擁有一頭令人羨慕嘅金髮，不過原來佢私下都花咗唔少功夫保持頭髮健康、柔滑有光澤。佢之前就喺自家創立嘅 wellness + lifetsyle 品牌網站分享咗一張夏日必備 check list，特別提到陽光同泳池嘅氯化水好傷頭髮，所以每次出門前都一定會用 Ranavat 女皇陛下髮尾油 好好保護秀髮，同時滋潤及撫平毛躁，仲大讚佢嘅茉莉花香氣好「性感」(smelling sexily of jasmine) 𠻹！

✧ Philippine Leroy-Beaulieu 

趁住仲等緊 Netflix 大熱美劇《Emily in Paris》新一季回歸之際，一於帶大家睇下劇中飾演美魔女上司 Sylvie 嘅法國演員 Philippine Leroy-Beaulieu 嘅凍齡秘訣！

(Photo: Netflix《Emily in Paris》劇照)

即使企喺女星 Lily Collins 旁邊同台飆戲都毫無違和感，皮膚容光煥發，點睇都唔似將近 60 歲！原來奉行簡單保養主義嘅 Philippine 平日除咗會用天然花水保濕外，仲必備 LA FERVANCE 23K 金珍珠奢華面膜 ，佢更大方分享呢個令佢瘋狂著迷 (I’m just crazy about it.) 嘅法國宮廷式護膚體驗：朝早薄薄搽一層，夜晚就會厚敷，有時仲會敷過夜做埋睡眠面膜，朝早起身皮膚自然會變得更緊緻飽滿！

✧ Amanda Seyfried

憑住劇集《辣妹過招》出道，再演出《悲慘世界》、《媽媽咪呀》等多部人氣電影而走紅嘅 Amanda Seyfried，可以話係男女通殺嘅甜心女神！已為人母嘅 Amanda 最近亮相主演嘅 Disney+ 影集《新創大騙局》，仍然保持叫人羨慕嘅青春童顏，全因佢非常著重防曬同保濕！講到保濕，佢最鍾意就係用 May Lindstrom Skin 茉莉花園 同 May Lindstrom Skin 朝露 為肌膚注入源源不絕嘅水份同營養，保濕做得好，肌膚自然變得水潤無暇，同時幫皮膚打好個底，吸飽後續護膚品嘅鮮潤養份。

✧ January Jones

藍眼、金髮、水潤幼嫩嘅肌膚 ⋯ 今年已經 44 歲嘅演員兼模特兒 January Jones，除咗因為參演電視劇集《廣告狂人》 同電影《變種特攻：異能第一戰》而為人熟悉外，多年來保養得宜嘅天使美貌同火辣身材都一直引起外間嘅熱烈討論！

呢位「保養達人」絕少去美容院，反而最愛 Home Spa 居家護理，屋企個鏡櫃更放滿近百款護膚品，會因應唔同肌膚狀況而選用相應嘅產品，而佢平日最鍾意就係任何膚質都適合嘅 May Lindstrom Skin 朝露，為肌膚注滿水份同維他命營養，到咗夜晚就會用蘊含珍貴藍艾菊嘅 May Lindstrom Skin 藍月光 鎮靜同修復肌膚。

✧ Elsa Hosk

 
曾經擔任 Victoria’s Secret 天使嘅瑞典超模 Elsa Hosk，雖然現居紐約，不過喺斯德哥爾摩長大嘅佢，依然貫切瑞典人崇尚天然嘅生活同護膚美學。佢最愛就係臨瞓前用天然有機、懷孕同哺乳媽媽都啱用嘅 Agent Nateur 金盞花眼部閃亮精華 ，為眼周保濕同保護眼部幼嫩嘅肌膚，有時更會當做 face serum 用，而且亦會用嚟做埋妝前打底，提亮眼周膚色，令佢喺 cat walk 台上時刻擁有一雙明亮動人嘅藍眼睛！

✧ Alicia Keys

(Photo: IG @aliciakeys)

樂壇天后 Alicia Keys 六年前毅然發起「#nomakeup」素顏企劃，捨棄陪伴咗佢差唔多 1 / 4 人生嘅化妝品，以最赤裸、最原本嘅樣貌示人，重奪自由、自信嘅靈魂。每次脂粉未施嘅 Alicia 出席公開場合都十分驚艷，肌膚飽滿光滑，同佢長期合作開嘅星級化妝師 Ditto 就透露，一般人好怕用油狀護膚品，但 Alicia 就非常鍾意，更係 MV Skintherapy 九重淨化潔面油 同 MV Skintherapy 純淨荷荷巴萬用油 嘅 super fan！

📍店舖資料

Share:

---

---

Also in BEAUTYSAUR ORGANICS