【May Lindstrom 美肌廚房】抗氧雞尾酒 Youth Dew 朝露

by Beautysaur Organics April 29, 2022

Bon Appétit! 歡迎返到嚟 May Lindstrom 美肌廚房👩🏻‍🍳！雖然護膚油近年開始盛行，不過似乎大家對佢仍然有誤解，擔心會堵塞毛孔、易生暗瘡、油性皮膚唔岩用 ⋯ 其實皮膚出油係因為底層太乾導致水油失衡，喺呢個缺水嘅狀態下皮膚就會啟動自我保護機制分泌出油脂，繼而爆發痘痘。即使係夏天都好，經常開冷氣會抽乾皮膚水份，而分子細嘅護膚油相比起其他水狀或 Gel 狀精華更能夠深層滋潤肌膚，有效鎖住水份。

今集我哋會同大家講下來自美國貴婦級有機品牌 May Lindstrom Skin 嘅「抗氧雞尾酒」 Youth Dew 朝露，呢枝護膚油唔單止一年四季早晚適用，而且充滿維他命同天然抗氧化劑，絕對會顛覆大家對於護膚油嘅想像！另外我哋仲會介紹由創辦人 May 親自傳授嘅秘密用法，想知多啲就記得睇到最後喇！

品牌故事：新鮮度小堅持✨

May 本身係一位廚師，對食材非常講究，品牌多年來十分著重成份嘅新鮮度，堅持選用天然有機或野生原材料，而且所有產品都係人手新鮮製造，小批次生產，絕無添加有害致敏成份，非常矜貴！而為咗研製出一系列「美肌食療」，May 仲索性將研發室變成一個屬於自己嘅 Kitchen Lab，喺呢個秘密廚房入面調製出各款「食譜」幫大家嘅皮膚變靚靚！

Youth Dew 魔法食譜✨

今次為大家調製嘅雞尾酒 Youth Dew 集合咗 20 種珍貴天然植物成份，加上抗氧專家輔酶 Q10，一枝就可以做齊保濕、消炎、抗皺、修復等多重功效！而且質地潤而不笠，瞬間就可以將營養滲透至肌膚底層，無論係乾性、油性、敏感、初熟等任何膚質一樣適用，Cheers to Happy Skin！

✦ 材料

有機沙棘油 ⋯⋯⋯⋯⋯⋯⋯⋯⋯⋯⋯ 大量

May 最愛嘅成份之一！Youth Dew 金光閃閃嘅橙黃色就係來自呢種擁有強大消炎再生功效嘅「聖果」沙棘，佢蘊含大量支持皮膚健康嘅維他命、礦物質同不飽和脂肪酸，當中極罕見嘅 Omega-7 仲有效促進膠原蛋白增生，而滋養保濕嘅 β-胡蘿蔔素同時亦係星級天然抗氧化劑，有助延緩衰老。

有機瓊崖海棠油 ⋯⋯⋯⋯⋯⋯⋯⋯⋯ 大量

原產自東南亞熱帶地區，一年只會開花結果兩次，要將瓊崖海棠冷榨成油嘅工序繁複，需要長達兩個多月時間，而且每 220 磅果實先可以生產約 11 磅冷壓油，生產成本極高！瓊崖海棠油同樣係強效消炎再生，富含抗炎脂肪酸及維他命A、E，加上大量天然抗氧化劑，深層滋養肌膚之餘，仲有效促進傷口癒合及減淡疤痕，有助改善暗瘡、濕疹等問題。

有機牛油果油 ⋯⋯⋯⋯⋯⋯⋯⋯⋯⋯ 大量

牛油果除咗好食，仲係潤膚好物，富含維他命 A 及 E，可以改善皮膚質地同抗衰老，當中豐富嘅維他命 C 仲有助膠原蛋白增生，對於收緊同恢復皮膚彈性有顯著作用！更重要係佢擁有高含量 64% Omega-9 脂肪酸，有效深層滋養，舒緩乾燥及敏感肌膚，而且仲具有天然防曬作用。

輔酶 Q10 ⋯⋯⋯⋯⋯⋯⋯⋯⋯⋯⋯⋯ 適量 

星級抗氧專家，抗氧功效比維他命 E 高出 40 倍！雖然人體會自行產生 Q10，不過 25 歲過後體內含量會逐漸減少，容易令皮膚出現皺紋、鬆弛等衰老問題。有研究顯示，適量補充 Q10 有效清除自由基，大大減低紫外線及污染對肌膚造成嘅傷害，仲可以為肌膚建立保護屏障！Youth Dew 內嘅 Q10 以天然植物經微生物發酵過程中提取，有別於坊間以化學方式製成，成份安全可靠。

野生胡蘿蔔籽油 ⋯⋯⋯⋯⋯⋯⋯⋯⋯ 適量 

暗瘡剋星野生胡蘿蔔中嘅胡蘿蔔素消炎抗菌同解毒功效出色，仲可以促進細胞再生，有助緩解痤瘡、濕疹同牛皮癬等皮膚炎症，而且蘊含大量維他命 A、C、K，有助保持皮膚健康柔軟、有光澤。

仲有 ⋯ 適量有機月見草油 、大馬士革玫瑰花油、紅石榴油、夏威夷胡桃等共 21 種珍貴天然成份。

✦ 香氣

一道好嘅肌膚食療除咗要有迷人嘅色澤同顯著療效外，香味亦同樣重要！Youth Dew 以多種珍貴植物草本油調配而成，包括西梅油、橙花油及大馬士革玫瑰油等等，猶如一杯帶有清甜花果香氣嘅雞尾酒，迎來一場春夏果園盛宴！

✦ 保質期

每個批次均以人手新鮮製造，再由美國空運到港，開封後請於一年內盡快享用。

May’s Favourites! Youth Dew 隱藏版用法✨

除咗「濕臉上 Youth Dew」呢個最入門級嘅用法外，仲有以下兩個由 May 親自傳授嘅隱藏版用法，為肌膚送上最溫柔、窩心嘅祝福。

隱藏版用法 ➊：初心者適用

如果想成係究極初心者發揮 Youth Dew 嘅最佳功效，就要切記 May 分享嘅小貼士 － 「潑水大法 x 8」啦！

用法：先徹底清潔臉部，於臉部完全濕透狀態下，再以清水潑臉 8 - 10 下至感覺臉部水潤柔軟，然後加上 2 - 3 揼 Youth Dew，輕輕按摩至完全吸收，最後可按個人喜好噴灑 Jasmine Garden 加強保濕效果。

隱藏版用法 ➋：達人級適用 

恭喜你成功晉級！依家就你教調製 May 最愛嘅 Magic Green Moisturiser 啦！呢杯「雞尾酒之王」集合咗 Youth Dew 嘅緊緻再生、Blue Cocoon 嘅鎮靜抗敏，同 Jasmine Garden 嘅爽膚保濕，抗敏修護效果即時 Level Up！ 

用法：先以清水潑濕或以 Jasmine Garden 噴濕臉部，再於掌心加入 Youth Dew、Blue Cocoon 及 Jasmine Garden 並混和至寶石綠色，然後搽於濕臉上，再配合輕輕按摩，仲可以搽埋眼皮、眼周及唇部，加以滋養及保護呢幾個敏感脆弱位置，最後再噴上 Jasmine Garden 加強保濕鎖水效果。

甜品時間！A little more ⋯ 小知識✨

​➊ Youth Dew / Blue Cocoon 幾時用傻傻分不清？！

Youth Dew 同 Blue Cocoon 各有特色，前者係一枝充滿抗氧化物嘅護膚油，而後者就係蘊含珍貴藍艾菊成份、強效舒緩抗敏嘅護膚膏。唔知點揀好？一於睇下 May 分享嘅小貼士，再按照自己嘅肌膚狀況選擇最適合嘅「美肌食療」啦！

Youth Dew 特別適合以下肌膚狀態：

・水油不衡、毛孔增塞、爆暗瘡
・出現細紋、皺紋、暗啞等肌膚老化問題
・想為皮膚補充維他命同抗氧化劑

Blue Cocoon 特別適合以下肌膚狀態：

・發熱、發紅
・出現濕疹、痤瘡等炎症
・肌膚受損

➋  任何膚質都啱「飲」嘅雞尾酒！

初老肌？OK！年輕肌膚？一樣OK！千祈唔好覺得用護膚油，或者見到「抗老」、「緊緻」呢啲字眼就覺得只係適合熟齡肌膚，內含 21 種珍貴成份嘅 Youth Dew 絕對係一杯極盡鮮潤、高營養嘅特調雞尾酒，有助維持皮膚健康有光澤，任何肌膚狀態都適用！May 強調最重要係使用時要多配合按摩，咁先可以將養份餵入肌膚底層，亦藉此可以聆聽皮膚需要，有任何微小問題都可以即時發現，施展最佳療法。

－

May Lindstrom Skin The Youth Dew 朝露 - $1,099 | 30ml
(https://bit.ly/3OCB7ry)

✧ 集合 21 種植物草本及繁花能量，一枝有齊保濕、消炎、抗皺、修復等多重功效
✧ 沙棘油富含極罕有 Omega-7 脂肪酸，幫助促進膠原蛋白增生，瞬間緊緻淡紋
✧ 抗氧專家輔酶 Q10 有效清除自由基，為肌膚建立抗污染屏障
✧ 瓊崖海棠油深層滋養肌膚同時加快傷口癒合，改善暗瘡、濕疹等炎症問題
✧ 質地潤而不笠，一年四季早晚適用​
✧ 可用作妝前打底，讓妝容持久貼服

 

店鋪地址

尖沙咀 K11 Musea, 2/F, Shop 210B（尖沙咀/尖東站 J2 出口）
營業時間：12:00 - 21:00

Beautysaur Organics🦕 
網址：www.beautysaur.com
Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
電話：94329430

Share:

---

---

Also in BEAUTYSAUR ORGANICS