【May Lindstrom美肌廚房】永遠的大婆Blue Cocoon藍月光

by Beautysaur Organics March 05, 2022

歡迎嚟到 May Lindstrom 美肌廚房👩🏻‍🍳！美國貴婦級有機品牌 May Lindstrom Skin 創辦人 May 本身係一位廚師，對食材非常講究，所以品牌多年來十分著重成份嘅新鮮度，堅持選用天然有機或野生原材料，而且所有產品都係人手新鮮製造，絕無添加有害致敏成份，非常矜貴！

為咗研製出一系列「美肌食療」，May 索性將研發室變成一個屬於自己嘅 Kitchen Lab，我哋會一連九集帶大家睇下 May 點樣施展魔法，喺呢個秘密廚房入面調製出各款「食譜」幫大家嘅皮膚變靚靚，頭炮當然就梗係皇牌中嘅皇牌、永遠嘅大婆 Blue Cocoon 藍月光啦！我哋仲會介紹 May 親自傳授嘅秘密用法，想知多啲就記得睇到最後啦！

Blue Cocoon的魔法食譜✨

Blue Cocoon 擁有神秘魔幻嘅湖水藍色，全因為加入咗稀有珍貴、具有強大鎮靜抗敏功效嘅藍艾菊，配合十多種天然草本成份，有效緩解各種皮膚炎症魔咒，係玫瑰座瘡、暗瘡同濕疹肌膚嘅草本良方外，亦係所有膚質適用嘅美肌食療！Bon Appétit! 

✦ 材料

藍艾菊 ⋯⋯⋯⋯⋯⋯⋯⋯⋯⋯⋯ 大量
由於產量稀少，坊間有唔少產品都會將洋甘菊染上藍色魚目混珠，不過非常重視原材料嘅 May 堅持只用最純正貨源，所以特別選擇盛產藍艾菊嘅摩洛哥，同當地有機農場合作，確保每個批次嘅藍艾菊都係最新鮮、純淨、安全；藍艾菊富含母菊藍烯可以即時鎮靜消炎，紓緩濕疹紅腫等各種敏感炎症，同時可以引導各種活性成份深入肌膚底層，幫助皮膚注入鮮潤養份，全面修復受損肌膚

原生可可濃漿 ⋯⋯⋯⋯⋯⋯⋯⋯ 適量
以公平貿易方式生產，新鮮安全，含有大量抗氧能力極高嘅 Omega-3 脂肪酸，有效刺激皮膚細胞更新

野生沒藥及乳香 ⋯⋯⋯⋯⋯⋯⋯ 適量
有助改善皮膚彈性，緊緻肌膚，降紅淡印，去水腫​

仲有 ⋯ 適量山茶花籽油、乳木果脂、瑪魯拉果油、猴麵包樹油等珍貴成份

✦ 香氣

一道美肌食療除咗要有吸引嘅色澤同顯著嘅療效外，香味亦同樣重要，藍艾菊具有香薰治療功效，可以安撫身心，紓緩精神緊張，幫助睡眠，心情好自然皮膚好！

✦ 保質期

未開封可以存放一年，開封後請於六至九個月內盡快享用。由於呢個食譜並無添加蠟或穩定劑等化學成份，遇上高溫時可能會融化，不過絕對唔會影響品質及功效！如果想變返剛開封時光滑無瑕嘅 Blue Cocoon，只要將佢放入熱水融化，再放入雪櫃雪一晚至膏狀即可。

May’s Favourite! Blue Cocoon的隱藏版用法✨

除咗單獨使用外，Blue Cocoon 仲有以下兩個由 May 親自傳授嘅秘密用法，大家可以根據自己嘅肌膚狀況選擇最適合自己嘅「肌膚食療」! 

➊ 敏感肌食療：Blue Cocoon x Jasmine Garden x Youth Dew 

調製自己專屬嘅抗敏保濕 Moisturiser！May 最愛將 Blue Cocoon 同 Jasmine Garden + Youth Dew 混和一齊使用，佢哋 blend 埋會變成寶石一樣嘅翠綠色，呢個 Magic Green Power 集合 Jasmine Garden 嘅爽膚保濕同埋 Youth Dew 嘅緊緻抗炎功效，加埋 Blue Cocoon，紓緩抗敏效果即時 Level Up！

用法：於掌心加入 Blue Cocoon、Jasmine Garden 同 Youth Dew，混和後搽於濕面上，再配合輕輕按摩，仲可以搽埋眼皮、眼周及唇部，滋養及保護呢幾個肌膚最脆弱嘅位置，最後再噴埋 Jasmine Garden，成個 ritual 就大功告成！

➋ 乾燥肌食療：Blue Cocoon x Honey Mud 

洗面奶加面膜兩用嘅 Honey Mud 蘊含野生純淨蜂蜜及可可濃漿，有效滋養保濕，維持皮膚水油平衡，配合紓緩滋潤嘅 Blue Cocoon 使用絕對係乾燥肌膚嘅最佳保濕療法！

用法：平日 Blue Cocoon 一定係濕面用，但如果想配合 Honey Mud 做面膜就記得要乾面上啦！先乾面上 Blue Cocoon，再搽一層 Honey Mud，敷大約 10 至 20 分鐘，期間可以噴埋 Jasmine Garden 增加保濕效果，敷夠鐘後可以用暖水暖毛巾慢慢打圈按摩，然後輕輕抹走面膜，或者可以喺沖涼時直接洗走，浴室內嘅熱蒸氣有助毛孔擴張，加強清潔功效，仲可以保護皮膚防止水份流失，一 take 過做晒潔面加滋養肌膚！
 

甜品時間！A little more ⋯ 小知識✨

​➊ 初代鬆軟忌廉配方

May 早喺 Blue Cocoon 2013 年面世嘅前幾年就已經著手研製呢個「食譜」，初代配方原本係鬆軟忌廉質地，不過因為容易喺運輸過程中融化，加上後來覺得呢種蓬鬆狀質感面霜即使注滿整個樽，感覺都好似「賣緊空氣」畀客人，所以最後就演變成依家呢個 highly concentrate 嘅 oil butter 油膚狀配方。

➋ 健康肌膚最佳食療

暗瘡？OK！初老肌？OK！曬傷？都一樣OK！內含十多種天然珍貴成份嘅 Blue Cocoon 可以話係一道鮮潤美味、營養極高嘅肌膚食療，有助維持皮膚健康生長，任何肌膚狀態都適用！May 強調最重要係使用時要多配合按摩，咁先可以將營養餵入肌膚底層，亦藉此可以了解皮膚狀況，有任何微小肌膚問題都能即時發現，並施展最佳療法，對症下藥。

➌ 紓緩傷風鼻敏感 OK ! 

功能多多嘅 Blue Cocoon 可以話係家居必備嘅萬用膏，除咗可以當精華、面霜、Spot Treatment 外，亦可以用嚟紓緩傷風鼻敏感不適，將少量 Blue Cocoon 搽喺鼻上可以即時紓緩兼保護鼻膜，秋冬轉季就啱晒！

✦

May Lindstrom Skin The Blue Cocoon 藍月光 - $1,413 | 50ml (https://bit.ly/3hs9p1A)

✧ 珍貴藍艾菊富含強效抗組織胺、抗敏、抗炎活性成份，迅間舒緩各種過敏及皮膚炎症​
✧ 野生乳香及沒藥有效改善皮膚彈性，緊緻肌膚，降紅淡印、去水腫​
✧ Omega-6 脂肪酸抗氧化能力極高，幫助細胞更新，更有煥膚功效​
✧ 溫和配方無水無蠟，長效保濕滋潤，一年四季都適合使用​
 

📍店舖資料

Share:

---

---

Also in BEAUTYSAUR ORGANICS