【成份解碼】拆解玫瑰御膚術:以浪漫香氣紓緩乾燥敏感肌

by Beautysaur Organics November 15, 2021

【成份解碼】拆解玫瑰御膚術:以浪漫香氣紓緩乾燥敏感肌

希臘神話中,玫瑰係美神化身,同時象徵維納斯同阿多尼斯一段淒美浪漫嘅愛情,擁有「花中皇后」美譽嘅玫瑰唔止集愛與美於一身,更係天然御膚好物!古時女性以玫瑰入饌成美容保養品嘅逸事相信大家都聽聞過,而到咗呢個追求天然有機嘅時代,玫瑰更成為現代女性療癒肌膚、按撫身心靈嘅溫和御膚術。

🌹美容功效

玫瑰養膚之所以能歷久常新,全因百變嘅玫瑰擁有極強護膚功效,玫瑰蘊含多種重要而珍貴嘅成分,包括抗氧因子、維他命、微量元素、醇類、酸類等,既有基本保濕功能,亦可以調節肌膚狀態、抗老活膚,而淡淡嘅清香更能紓緩身心,特別適合乾燥及敏感肌人士使用。


➀ 補水
- 具有強大保濕及鎖水功能,維他命E 有助滋養及軟化乾燥肌膚,而天然保濕因子氨基酸則係維持皮膚水潤嘅重要元素,親膚性強,能迅速深入角質層補水並鎖住水份,同時有助鎮定及紓緩敏感狀況,強化肌膚防禦力

➁ 抗老活膚 - 含有多種高效抗氧因子,包括多酚、維他命 A、C、鋅、銅及「自由基清道夫」微量元素硒 (抗氧力極高,係維他命 E 嘅 700 多倍!) ,有效清除自由基及防止紫外線對肌膚嘅侵害之餘,仲可以刺激皮膚細胞再生,修復受損肌膚,從根本改善膚質,做到真正延緩衰老

➂ 抗菌消炎 - 蘊含多種醇類及單寧酸 (Tannin),既有抗菌消炎功效,亦能促進血液循環,有助加快皮膚細胞陳新代謝,活化及緊緻肌膚

➃ 美白防曬 - 單寧酸具有抗菌抗氧功效之餘,亦可幫助皮膚吸收陽光中嘅紫外線及抑制黑色素,有助淡化及預防色斑

➄ 紓緩身心 - 「玫瑰不叫玫瑰,仍是一樣芳香。」呢句出自莎士比亞《羅密歐與茱麗葉》嘅名句就直接道出咗玫瑰叫人難忘嘅香氣,玫瑰富含香茅醇、橙花醇、丁香油酚等成分,散發淡淡優雅清香,能夠紓緩緊張情緒,幫助身心進入放鬆、安寧狀態,提升護膚美肌效果

🌹大馬士革玫瑰

目前玫瑰品種有多達三萬個,當中「玫瑰王國」保加利亞種植嘅大馬士革玫瑰 (Damask rose / Rosa Damascena) 被國際公認為最頂級品種。保加利亞之所以能夠出產高品質玫瑰精油,全因為得天獨厚嘅地理優勢為玫瑰提供一個絕佳嘅生長環境,主要產地卡贊勒克嘅「登薩河谷」 (又名「玫瑰谷」) 有巴爾幹山脈及斯雷那山脈兩大山脈為其抵擋寒冬冷風,而地中海氣流則為河谷帶來溫濕氣候,造就一遍肥沃、盛產頂級大馬士革玫瑰嘅福地。

❍媲美黃金的純正玫瑰精油

大馬士革玫瑰每年只採收一次,採收期為五至六月,花農會以蒸餾方式萃取花內精華。由於太陽熱力會蒸發花內精油,為咗保留玫瑰完整香氣及成份,花農必須趁剛天亮時以人手逐朵採摘,裝成一袋後隨即便要送到工廠蒸餾,一般用上逾 4000 至 5000 公斤花瓣才能蒸餾出 1 公斤精油,即係需約 150 至 200 朵玫瑰先能夠製成一滴精油!因為產量稀少而質量純正,大馬士革玫瑰精油嘅售價甚至比黃金更高,喺精油及香水市場上佔有舉足輕重嘅地位。


❍溫和緩解女性荷爾蒙問題

除咗顯著鎮靜保濕、抗老更生療效外,帶有陰柔特質嘅大馬士革玫瑰精油對應女性生殖系統,有助調節內分泌,改善因月經或荷爾蒙失調引起嘅皮膚問題;大馬士革玫瑰精油嘅頻率係眾多玫瑰品種中最高,高頻率加上濃郁花蜜香氣,能安撫情緒,紓解壓力,調整能量,平衡身心靈,係女性專屬嘅滋補珍品。

‣ 強效保濕,性質温和,與人體皮膚 pH 值接近,適合各種膚質使用,尤其乾燥 / 敏感 / 熟齡肌
‣ 內含高濃度強效抗氧因子多酚,抗衰老功效顯著
Omega 3、6、9 有助強化膠原蛋白,刺激皮膚細胞修復再生,緊緻活化肌膚,回復柔軟彈性
‣ 能抑制並分解黑色素積聚,有提亮、淡化色斑及均勻膚色功效
‣ 具抗菌抗炎作用,能鎮定及紓緩敏感、發炎狀況
‣ 應對女性生殖系統嘅滋補精油,有助改善因月經或荷爾蒙引起嘅皮膚問題
‣ 高頻率加上濃郁花蜜香氣有助安撫情緒,紓解壓力,讓身體回復能量,產生愉悅幸福感

🌹好物推介

坊間唔少以玫瑰作招來嘅美容產品都加入多種有害化學物,甚至以人工合成香精或低品質玫瑰魚目混珠,皮膚隨時越用越差!要體驗跨越千年嘅浪漫御膚術,當然要選用以頂級玫瑰製成嘅護膚品喇!以下幾個好物推介就加入咗純正、無雜質嘅大馬士革玫瑰,並揉合多種天然草本,絕無添加有害化學成份,敏感肌都可以安心使用!


❃ arbū 水漾薔薇活膚潔膚水 | $380/ 100ml (
https://bit.ly/3mcDbdC)

一枝花水兩種用法!水漾薔薇活膚潔膚水榮獲有機認證,完美結合保加利亞有機大馬士革玫瑰花水及蘆薈萃取,具 100% 活性成份,能即時為肌膚保濕,平衡 pH 值,亦可用作潔淨皮膚表層嘅污染雜質,並有助傷口癒合及皮膚再生,讓肌膚瞬間變得柔軟亮滑。


❃ arbū 水漾薔薇保濕面霜 | $780/ 50ml
(https://bit.ly/2XHGd0j)

arbū 團隊以全人手採摘珍貴有機大馬士革玫瑰製成精油,揉合蘆薈萃取、透明質酸及牛油果等成份,高效抗氧保濕,鎖水消炎,同時可以強化肌膚再生過程,迅速回復水潤飽滿有彈性,而且質感水潤輕盈,日間使用一樣no problem!


❃ Max & Me The Intuitive 第六靈感。舒緩噴霧 | $620/ 100ml (
https://bit.ly/3bfNffF)

將大地靈氣注入感覺大門,極緻提升護膚體驗!呢枝第六靈感噴霧集合多種天然草本能量,包括大馬士革玫瑰精油、有機金盞花及高地牛膝草精華,加上紫檀木、秘魯聖木等木系成份,散發濃厚森林味道,消炎抗菌同時能安撫情緒,吐出鬱躁,為肌膚灑上源源不絕能量,開啟身體內奇妙嘅第六靈感。


❃ Max & Me Enchanted 心輪鑰匙。護膚油 | $980/ 30ml (
https://bit.ly/3pJSEnZ)

帶您走進鳥語花香嘅秘密庭園,療癒身心各種煩惱!奧地利全人手製造,配方揉合大馬士革玫瑰、紅石榴籽油及月見草油等天然有機草本成份,高效抗氧保濕,消炎活膚,由內而外改善膚色及質感,為敏感乾燥肌即時止渴,加上依蘭花、黃玉蘭及茉莉花嘅陣陣優雅香氣,助您重新聯繫心輪,趕走心煩氣躁。

📍店舖資料

Beautysaur Organics

✦ 九龍尖沙咀梳士巴利道 18 號 K11 Musea 2 樓 210B 號店
營業時間:12:00 - 21:00

電話:94329430

Facebook:www.facebook.com/beautysaur.organics
Instagram: www.instagram.com/beautysaur.organics
WhatsApp:wa.me/85294329430
Website:www.beautysaur.com





Beautysaur Organics
Beautysaur Organics

Author