【成份解碼】為肌膚注入甜蜜幸福感 拆解蜂蜜五大美容功效

by Beautysaur Organics August 21, 2021

經常坐喺冷氣房，喉嚨好易唔舒服，呢個時候沖返杯蜜糖水滋潤一下身心就最好不過 💛

金黃剔透嘅蜂蜜清甜可口，味甘性平，有清熱解毒、潤燥等療效外，亦係美容好幫手！除咗滋養肌膚外，當中嘅天然抗菌消炎能力，仲有助修復受損皮膚，甚至抗衰老，一年四季都啱用！近年各大品牌都紛紛將蜂蜜加入各種保養品中，可見蜂蜜唔止可以養生，更係護膚界寵兒。

🍯 古代護膚珍品

被譽為「液體黃金」嘅蜂蜜，早於古代已經係護膚聖物。中國晉代郭璞嘅《蜜蜂賦》記戴當時女生愛用蜂蜜作面霜之用；喺西方嘅古埃及，傳言指埃及妖后Cleopatra 每日都將蜂蜜混入牛奶浸浴，以保持肌膚嫩滑，亦有指當時婦女會以蜂蜜牛奶做面膜，以撫平皺紋；至於歐洲，蜂蜜更只有宮廷貴族先可以享用，十分珍貴！

🍯 蜂蜜主要成份

蜂蜜含有70％ 以上嘅果糖同葡萄糖，容易被人體吸收，而且有氨基酸、酶、多種礦物質同維他命等，營養價值極高，絕對係有益肌膚嘅天然佳品。

⊛ 糖類：果糖及葡萄糖
⊛ 氨基酸
⊛ 酶 (酵素)：葡萄糖氧化酶、過氧化氫酶等
⊛ 維他命：B1、B2、B6、C等
⊛ 礦物質：鉀、鈣、鎂、鈉、硫、磷等

🍯 五大美容功效

➀ 滋養保濕 － 有「天然保濕劑」之稱嘅蜂蜜，成份容易被人體吸收，能迅速保濕同滋養肌膚，而當中嘅氨基酸仲會喺皮膚表面形成一道天然保護膜，有效鎖住皮膚水份，防止水份流失

➁ 軟化角質 － 含有葡萄糖酸等酸性成分，可以軟化皮膚角質層，去走死皮，令肌膚變得光滑，並有助護膚品滲透至肌底，加強護膚功效

➂ 提亮美白 － 含抗氧化物同多種維他命，為肌膚提供營養，促進細胞再生，避免色素積存喺皮膚，從而去除面部色斑，令皮膚回復白皙光澤

➃ 抗菌消炎 － 蜂蜜屬酸性，ph 值介乎於3.2 至4.5 之間，有效抑制多種病原菌生長繁殖；而蜂蜜中嘅過氧化氫 (Hydrogen peroxide) 則有抗菌消炎作用

➄ 療癒傷口 －含豐富維生素同氨基酸，為皮膚提供水分屏障，令傷口保持濕潤，有舒緩作用之餘，亦有效促進細胞再生及傷口癒合

🍯 麥盧卡蜂蜜 (Manuka Honey)

蜂蜜種類繁多，其中麥盧卡蜂蜜被稱為「蜜中極品」，就連「黑寡婦」Scarlett Johansson 都愛用佢嚟做面膜，不過價錢就比普通蜂蜜貴得多，一樽至少幾百蚊。究竟麥盧卡蜂蜜同一般蜂蜜有咩分別，令佢備受追捧呢？

✦ 紐西蘭國寶級花蜜

麥盧卡蜂蜜原產自紐西蘭麥盧卡樹上嘅花，有「紐西蘭國寶級花蜜」嘅美譽。麥盧卡樹原係紐西蘭獨有植物，非常罕有，生長喺無污染嘅山坡中，會開出白色嘅花朵，但花期短，只有數星期。雖然依家澳洲都有出產麥盧卡蜂蜜，但總產量仍然只佔全球蜂蜜大約1%，非常珍貴。

✦ 抗菌能力持久穩定

麥盧卡蜂蜜抗菌能力極佳，關鍵在於當中獨有嘅天然抗菌分子甲基乙二醛 (MGO) ，相比一般蜂蜜中嘅抗菌成份過氧化氫，MGO 嘅抗菌活性非常穩定。荷蘭有研究發現，麥盧卡蜂蜜就算被稀釋80倍，仍然可以殺死99.9%嘅葡萄球菌。而紐西蘭原住民長久以來都會用麥蘆卡蜂蜜治療傷患，絕係天然療癒寶物！

⊛ 抗菌活性非常穩定
⊛ 唔容易受光、熱、消化酶等因素影響
⊛ 抗菌能力極高，包括葡萄球菌及大腸桿菌
⊛ 有助加快傷口復原
⊛ 改善皮膚及腸胃炎症
⊛ 增強抵抗力

🍯 好物推介

蜂蜜好處多多，而且抗菌力強，就等小編推介兩款富含蜂蜜成份嘅護膚好物畀大家，一年四季都啱用，為肌膚注入甜蜜幸福感 💛

🐝 Max & Me Mask & Wash 太陽琥珀修復面膜 | $810/ 30ml & $2,140/ 100 ml  (https://bit.ly/3lMskHN)

蘊含豐富來自紐西蘭手工蜂房嘅600+ 原生麥盧卡蜂蜜，經官方認證達到 Molan Gold Standard 標準，混合蜂膠及其他珍貴成份，包括峇里島可可、泰國藥用山竹同科西嘉島嘅蠟菊等，集合大地治癒之力，舒緩及解除肌膚上嘅毒咒，能深層滋養皮膚、緊緻塑顏、提亮膚色，亦有抗菌消炎作用，有助改善暗瘡及敏感等問題，如同琥珀一樣釋放不朽嘅靈性美麗。
✦

🐝 May Lindstrom Skin Honey Mud 蜜糖小姐 | $706/ 100ml  (https://bit.ly/3AsepKX)

全人手新鮮製造嘅蜜糖小姐，結合多款天然植物精華，包括高品質原生蜂蜜、可可濃漿、沒藥等珍貴成份，係面膜加洗面奶兩用嘅護膚品。蜂蜜內嘅氨基酸、維他命及活性酵素等成份，有助保持肌膚彈性、減少皺紋、帶走死皮同消炎抗菌，加上夏威夷果仁油及極濃野生可可漿，能保持肌膚水油平衡，洗完面都唔怕乾爭爭，尤如將營養餵入肌膚底層，係真正嘅「肌膚食療」！

📍店舖資料

Share:

---

---

Also in BEAUTYSAUR ORGANICS