【維肌百科】美白抗老！一睇即明早C晚A養膚公式 (內附有機版護膚程序!)

by Beautysaur Organics April 18, 2022

「早 C 晚 A」？早上 Coffee 晚上 Alcohol？No No No！仲未識得近期爆紅嘅「早 C 晚 A」抗老美白公式點得㗎！全新系列【維肌百科】已經幫大家整理好新手必備懶人包，仲話埋你知入門注意事項，文末更會介紹天然有機版「早 C 晚 A」護膚程序，想知多啲就記得睇到最後啦！ 

❍ 咩係「早C晚A」？

「早 C 晚 A 」簡單嚟講就係一個「日間抗氧化保護」同「晚間抗衰老修護」嘅護膚既念，「早 C」即係朝早使用含有維他命 C 嘅護膚品，幫助皮膚抗氧美白，而「晚 A 」就係喺晚間使用含有維他命 A 嘅護膚品，為肌膚抗老、重建、修復，透過兩種成份嘅相互作用，達致 1 + 1 > 2 嘅最佳雙重美白抗老效果，重拾細緻嫩滑嘅原生美肌！

❍ 認識「早C」維他命C

眾所周之維他命 C 係人體細胞必要嘅營養素，佢嘅強效抗氧化力有助皮膚抗老美白，亦可以提升肌膚嘅防禦力，不過人體無法自行製造維他命 C，我哋除咗可以喺日常飲食中攝取，例如係進食多啲奇異果同西蘭花等蔬果外，亦可以透過添加咗維他命 C 嘅護膚品幫助皮膚維持年輕有彈力！

維他命 C 功效：
✧ 保護皮膚免受紫外線傷害
✧ 促進膠原蛋白增生
✧ 降低黑色素

點解「早 C 」？

其實任何時候都可以用維他命 C ，不過朝早用佢先可以發揮最佳功效！日間陽光釋放出嚟嘅紫外線會令皮膚產生大量自由基，同時令膠原蛋白斷裂，如果朝早搽咗含有維他命 C 嘅護膚品，咁呢個時候佢就可以發揮保護同修補作用，一邊清除自由基，另一邊修補膠原蛋白，提升肌膚防護力，而且有效減少黑色素形成，從而達致美白淡斑嘅效果。

口服 vs. 外搽？

市面上有唔少口服而且平價嘅維他命 C 保健品，到底口服定係外搽好啲？內服又可唔可以取代搽上臉嘅維 C 護膚品？其實除咗皮膚外，身體所有細胞都需要維他命 C，例如係關節、骨骼同肌肉等，所以口服維 C 最終有幾多可以去到皮膚真係不得而知，相反外搽就可以確保成份有效被皮膚吸收，做到真正改善膚質嘅療效！

❍ 認識「晚A」維他命A

維他命 A 近年喺美容界掀起一陣旋風，唔少抗老淨痘產品都加入 A 醇、A 醛、A 酸呢類維他命 A 衍生物，幫助皮膚去除老廢角質、控油去痘、減淡細紋、改善毛孔粗大等問題，不過維他命 A 家族容易刺激皮膚，用後隨時出現甩皮、泛紅、刺痛等副作用，並非適合所有膚質，敏感肌人士及懷孕媽媽要特別注意！

維他命 A 家族功效強度及刺激度 (高至低)：
A 酸 (Retinoic acid) > A 醛 (Retinal) > A 醇 (Retinol)

維他命 A 功效：
✧ 促進角質代謝
✧ 刺激膠原蛋白增生
✧ 改善暗瘡、粉刺及毛孔粗大問題
✧ 撫平細紋皺紋
✧ 淡化色斑
✧ 增加皮膚光澤及彈性

點解「晚 A 」？

✧ A 醇醛酸成份唔穩定，遇到陽光會瓦解，所以日間用呢類成份可以話係等於白搽！
✧ 皮膚都有生理時鐘！肌膚嘅狀態喺唔同時間其實都有分別，就好似角質更新速度，一般喺晚間會比較快，所以夜晚用 A 醇醛酸煥膚修復就最啱喇！

「晚 A 」注意事項：

✧ 先為肌膚建立耐受性：A 醇醛酸絕對唔係濃度愈高愈好！呢類成份帶有高刺激性，而且遇上紫外光更會「大暴走」，建議先從低濃度、局部位置開始用起，之後再因應肌膚狀況慢慢調整使用範圍同次數。
✧ 注意防曬：A 醇醛酸會增加皮膚嘅光敏性，變得對紫外線敏感，而且煥膚後角質層脫落會令陽光較易傷害肌膚，建議日間可以選用 SFP 30 或以上嘅防曬產品，加強防曬，好好保護肌膚。
✧ 加強保濕：A 醇醛酸有控油同去角質作用，加上容易刺激皮膚，所以使用前後都要加強保濕步驟。
✧ 敏感肌慎入：A 醇醛酸刺激性高，建議敏感肌人士避免使用，否則可能會令皮膚敏感情況更嚴重。
✧ 增加懷孕風險：有研究指口服 A 酸有機會造成畸胎，雖然外搽 A 醇醛酸嘅風險未明，但為安全起見，建議懷孕及哺乳期女性避免使用呢類成份，可以補骨脂酚 (Bakuchiol) 等天然植物性成份代替。 

❍ 有機版「早C晚A」護膚程序 🌿

A 醇醛酸呢類維他命 A 衍生物容易刺激皮膚，引起泛紅、甩皮等過敏反應，而且坊間唔少產品都會混入有害化學成份，隨時用爛面！就等 Beautysaur 嘅有機版「早 C 晚 A 」護膚程序幫你抗老美白，養出年輕嫩白肌啦！

☀️「早 C」護膚程序：
➊ 使用成份溫和嘅洗面乳洗臉
➋ 擦乾臉後噴上花水
➌ 搽上含有維他命 C 嘅有機抗氧精華
➍ 可按肌膚狀況需要搽上面霜 / 護膚油 / 護膚膏
➎ 外出前謹記要搽防曬抵抗紫外線！

【早 C 精華推薦】：Siam S.E.A.S SAI Clear Skin Serum 煅石膏淡印精華
－ $530 | 20ml (https://bit.ly/3LVj91i)

呢枝強效抗氧淡印修護精華蘊含 90% 以上活性成份，配方集合有機訶子、有機決明子等 50 種天然草本植物，加上穩定性強嘅活性維他命 C，有效淡化黑色素及促進骨膠原增生，並為肌膚建立最強保護屏障！最特別係佢加入咗消炎活膚嘅吸水珠珠煅石膏，即時淨化排毒、收斂止血之餘，仲可以加快傷口癒合，無論係乾性、敏感性、甚至係濕疹等受損肌膚都非常合適！

🌙「晚 A 」護膚程序：
➊ 徹底卸妝及洗掉防曬
➋ 使用成份溫和嘅洗面乳洗臉
➌ 擦乾臉後噴上花水
➍ 搽上含有維他命 A 嘅有機修護精華
➎ 可按肌膚狀況需要搽上面霜 / 護膚油 / 護膚膏

【晚 A 精華推薦】Siam S.E.A.S Twilight BeCalm Skin Serum 暮光黃金精華
－ $720 | 30ml (https://bit.ly/3zNQxBN)

媲美「液態黃金」嘅 Twilight 暮光精華，一枝有齊消炎、平衡油脂及去印三大功效！全新加強版除咗保留原配方蘊含瓊崖海棠油、輔酶Q10、依蘭依蘭、玫瑰果 Co2 萃取等星級消炎抗老成份外，仲特別加入草本萃取成分補骨脂酚 (Bakuchiol) 取代 A 醇 (Retinol)，就算日日用都唔怕皮膚出現乾燥、泛紅、光敏感等副作用，而且有效淡紋去印，增加光澤感，每晚幾滴就可以修復各種千年暗瘡印，同時深層滋養肌膚，回復柔軟光滑！

 

📍店舖資料

Share:

---

---

Also in BEAUTYSAUR ORGANICS