【成份解碼】瓊崖海棠油：來自海洋的抗炎療癒力量

by Beautysaur Organics September 24, 2021

相信大家對「瓊崖海棠油」呢個成份都感到陌生，因為生產成本高，所以並不常見於美容保養品之中，但其實佢有顯著嘅抗炎修復功效，同時可以深層滋養肌膚，絕對係急救聖物！而佢仲蘊含天然抗氧化劑，可以延緩衰老。今集《成份解碼》一於為大家拆解瓊崖海棠油嘅神奇功效喇！

🌰海洋賜予嘅聖油     

瓊崖海棠油 (Tamanu Oil) 又稱紅厚殼油，來自瓊崖海棠樹上嘅果仁，呢種樹源自於印度洋及太平洋海岸地區，目前喺台灣沿岸同大溪地都好常見，由於佢嘅木質堅硬，耐風耐旱，而且不易被海水侵蝕，故經常會被用嚟製成家具。而玻里尼西亞人千百年來就將瓊崖海棠油用於日常護理中，用來治療燙傷、曬傷、蚊叮蟲咬、濕疹等多種皮膚問題，更視瓊崖海棠為「聖樹」，認為係天神賜予最神聖嘅禮物；亦有文獻記載指，瓊崖海棠油對治療敗血病 (一種因感染而引起全身發炎嘅嚴重疾病）有幫助，可見佢顯著嘅消炎癒合功效。

相比一般嘅甜杏仁油、橄欖油等，瓊崖海棠油生產成本昂貴。瓊崖海棠樹一年只會結果兩次，分別係5 月同11 月，經人手採集綠色熟成果實後，先要經過幾重工序，抽出最內層米白色果仁，再於烈日下曬乾幾星期至果仁變成啡色，先可以壓榨成油，而100 公斤果實只能生產約5 公斤冷壓油，可見瓊崖海棠油非常珍貴。

🌰四大美容功效

➀ 消炎修復 － 獨有成份Calophyllic acid 具抗菌功效，而天然抗炎因子Calophyllolide 則能鎮靜及舒緩炎症，加上內含脂肪酸及維他命A、E，可以刺激皮膚細胞再生，促進傷口癒合及減淡疤痕，有助改善暗瘡、濕疹等問題

➁ 抗氧防曬 － 含天然抗氧化劑山酮素 (Xanthone)，有效抑制自由基生長，延緩衰老；台灣近年亦有研究指，瓊崖海棠油具防曬功效，能減低紫外線對皮膚造成傷害

➂ 深層滋養 － 富含Omega-6 及Omega-9 脂肪酸，而且滲透力極高，能快速進入並滋養皮膚底層，同時為皮膚建立屏障，鎖住水分，保持肌膚水潤嫩滑

➃ 減淡皺紋 － 星級成分雙吡喃香豆素 (Pyranocoumarins) 能抑制彈性蛋白酶，減少膠原蛋白流失，有助改善及預防皺紋、細紋、鬆弛等肌膚老化問題

🌰好物推介

想試下瓊崖海棠油神奇嘅消炎療癒力量？一於睇埋以下幾個好物推介，一齊輕鬆美肌喇！

✦ Siam S.E.A.S Twilight 暮光黃金精華 | $720/ 30ml (https://bit.ly/3zNQxBN)

被形容為「液態黃金」嘅暮光精華，一枝有齊消炎、平衡油脂及去印三大功效。全新加強版除咗保留原配方蘊含瓊崖海棠油、輔酶Q10、依蘭依蘭、玫瑰果Co2 萃取等消炎抗老成份外，仲特別加入取代視黃醇（Retinol）嘅植物萃取成分補骨脂酚 (Bakuchiol)，能避免傳統視黃醇帶來肌膚乾燥、容易光敏感等副作用，而且仲保留咗維他命A 嘅護膚功效，有效淡紋去印，增加肌膚光澤感。每晚幾滴暮光精華就可以修復各種千年暗瘡印，同時深層滋養肌膚，回復柔軟光滑。

✦ May Lindstrom Skin The Youth Dew 朝露 | $1,099/ $30ml (https://bit.ly/3DPKqPF)

來讓肌膚喝一口充滿營養嘅特調雞尾酒！集合20 種天然有機植物成份調配而成，包括瓊崖海棠油、月見草油、牛油果油、野生胡蘿蔔籽油等，充滿維他命及抗氧成份，結合埋細胞必需嘅抗氧專家輔酶Q10，能達致保濕、抗皺、消炎、緊緻等多重功效，而且質地潤而不笠，瞬間就能滲透至肌膚底層，幫助肌膚維持最佳平衡狀態，無論係暗瘡肌抑或極乾肌都啱用。

📍店舖資料

如果對產品有任何疑問，歡迎隨時聯絡我們，或是加入 Facebook ROAR Society 和其他龍友分享交流！

Facebook：www.facebook.com/beautysaur.organics
Instagram: www.instagram.com/beautysaur.organics
WhatsApp：wa.me/85294329430
Website：www.beautysaur.com

Share:

---

---

Also in BEAUTYSAUR ORGANICS